2025-26ನೇ ಶೈಕ್ಷಣಿಕ ಸಾಲಿಗೆ ದ್ವಿತೀಯ ಪಿಯುಸಿ ತರಗತಿಗಳಿಗೆ ಬೋಧಿಸುತ್ತಿರುವ ಎಲ್ಲಾ ವಿಷಯಗಳಿಗೆ ವಿಷಯ ತಜ್ಞರಿಂದ ಪ್ರಶ್ನೆಕೋಠಿಯನ್ನು ರಚಿಸಿ, ಅವುಗಳಲ್ಲಿರುವ ಪ್ರಶ್ನೆಗಳನ್ನು ಸುಲಭ, ಮಧ್ಯಮ ಮತ್ತು ಕಠಿಣ (EASY, AVERAGE and DIFFICULT) ಎಂದು ಶ್ರೇಣಿಕರಿಸಿ ಮಂಡಲಿಯ https://dpue-exam.karnataka.gov.in/kseabdpueqpue/ ಜಾಲತಾಣದಲ್ಲಿ ಪ್ರಕಟಿಸಲಾಗಿದೆ.
ಸದರಿ ಪ್ರಶ್ನೆಕೋಠಿಗಳನ್ನು ಪರಿಷ್ಕರಿಸುವ ಸಂಬಂಧ ವಿದ್ಯಾರ್ಥಿಗಳು ಹಾಗೂ ಸಂಬಂಧಿಸಿದ ವಿಷಯಗಳನ್ನು ಬೋಧಿಸುತ್ತಿರುವ ಉಪನ್ಯಾಸಕರುಗಳಿಂದ ಪ್ರಶ್ನೆಕೋಠಿಯಲ್ಲಿರುವ ಪ್ರಶ್ನೆಗಳ ಬಗ್ಗೆ ಈ ಕೆಳಕಂಡ ಅಂಶಗಳ ಕುರಿತು ಸಲಹೆ ಮತ್ತು ಸೂಚನೆಗಳನ್ನು ಆಹ್ವಾನಿಸಲಾಗಿದ್ದು, ದಿನಾಂಕ: 25.10.2025 ರೊಳಗಾಗಿ ಪೂರಕ ದಾಖಲೆ/ವಿವರಗಳೊಂದಿಗೆ ಈ ಕೆಳಕಂಡ ಅಂಶಗಳಿಗೆ ಮಾತ್ರ ಸೀಮೀತವಾಗಿರುವಂತೆ ಸಲ್ಲಿಸಲು ತಿಳಿಸಿದೆ.
1. ದ್ವಂದ್ವಾರ್ಥ ಇರುವ ಪ್ರಶ್ನೆಗಳು.
2. ಪಠ್ಯಕ್ರಮದಿಂದ ಹೊರತಾದ ಉತ್ತರವನ್ನು ನಿರೀಕ್ಷಿಸುವ ಪ್ರಶ್ನೆಗಳು.
3. ಪ್ರಶ್ನೆಕೋಠಿಗೆ ಹೊಸದಾಗಿ ಸೇರಿಸಬಹುದಾದ ಪ್ರಶ್ನೆಗಳು.
ನಿಗಧಿತ ಕಾಲಮಿತಿಯೊಳಗೆ ತಮ್ಮ ಸಲಹೆ/ಸೂಚನೆಗಳನ್ನು ಇ – ಮೇಲ್‌ ವಿಳಾಸ: 2ndpucquestionbank@gmail.com ಗೆ ಸಲ್ಲಿಸಲು ಸೂಚಿಸಿದೆ.
ಪ್ರತಿ ವರ್ಷದಂತೆ, ಕರ್ನಾಟಕ ಪ್ರೌಢ ಶಿಕ್ಷಣ ಪರೀಕ್ಷಾ ಮಂಡಳಿ (Karnataka School Examination and Assessment Board – KSEAB) 2025–26 ಸಾಲಿನ ದ್ವಿತೀಯ ಪಿಯುಸಿ ಪಠ್ಯಕ್ರಮಕ್ಕೆ ಅನುಗುಣವಾಗಿ ವಿಷಯವಾರು ಪ್ರಶ್ನೆಕೋಠಿಗಳು (Question banks) ಅನ್ನು ಪ್ರಕಟಿಸುತ್ತದೆ.ಇವು ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಪರೀಕ್ಷೆಯ ಮಾದರಿ ಹಾಗೂ ಅಂಕಗಳ ಹಂಚಿಕೆಯನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತವೆ.
▪️ಪ್ರತಿ ವಿಷಯದ ಪ್ರಶ್ನೆಕೋಠಿ ನೋಡಿ ಹೆಚ್ಚು ತೂಕ ಇರುವ ಅಧ್ಯಾಯಗಳಿಗೆ ಆದ್ಯತೆ ನೀಡಿ.
▪️KSEAB ಬಿಡುಗಡೆ ಮಾಡುವ ಮಾದರಿ ಪತ್ರಿಕೆಗಳ ಆಧಾರದ ಮೇಲೆ ಅಭ್ಯಾಸ ಮಾಡಿ.
▪️ಪಠ್ಯಪುಸ್ತಕದ ಹೊರಗಿನ ವಿಷಯಗಳಿಗಿಂತ ಸಿಲೆಬಸ್ ಆಧಾರಿತ ಪ್ರಶ್ನೆಗಳಿಗೆ ಹೆಚ್ಚು ಗಮನ ನೀಡುವುದು ಒಳಿತು.
▪️ಪ್ರಶ್ನೆಕೋಠಿಗಳನ್ನು ಡೌನ್ಲೋಡ್ ಮಾಡಲು ಈ ಕೆಳಗಿನ ಲಿಂಕ್ ಬಳಸಬಹುದು.
ಅಥವಾ
▪️ಸಲಹೆ/ಸೂಚನೆಗಾಗಿ ಇ – ಮೇಲ್‌ ವಿಳಾಸ: 2ndpucquestionbank@gmail.com
